चार मुक्तक
✍️राजेश एम घाएल
१,
चुलबुले छौ हातमा थमाउलान् चाउचाऊ रारा
वैंशालु उमेर छ सम्हाल, नत्र गन्नुपर्ला तारा
संसार स्वार्थीछ बचाई राख चुँडेल आफुलाई,
भोली बुझ्नेछौ प्यारु यो दुनियाँका मान्छे सारा ।
२,
भनन् नानी उमेर तिम्रो सोह्र होकी सत्र
तिम्रै नाममा लेखिदिन्छु अर्को प्रेम पत्र
साहित्यक्षेत्र पनि नशारहेछ लेख्दैजाँदा,
तिमीहरूको पुस्तक देख्नपाउँ यत्रतत्र ।
३,
फेसबुकमा भेटिएका सबै राम्रा हुँदैनन्
लाईक र कमेन्ट गर्दैमा ति हाम्रा हुँदैनन्
नानीहरू उमेरका हिसाबले चञ्चलेछौ,
तिमीलाई सम्झाउने सबै चाम्रा हुँदैनन् ।
४,
चञ्चले होइन नानी तिमी गम्भीर हुनुपर्छ
देशको माटोसँगसँगै हातलेकलम छुनुपर्छ
विकट र बेरोजगारी देशका नागरीक हौँ,
तिम्रो शिक्षाले समाजमा ज्योति भर्नुपर्छ ।
