खोम काफ्लेका चारवटा मुक्तक
✍️खोम काफ्ले
दागाना,निचुला,भूटान
१
तिमी सँग प्रेम नाता जोड्न चाहन्छु
प्रेमरुपि बगैंचा म गोड्न चाहन्छु
भत्किएको मायाको जिर्ण गृहलाई
तिमीलाई सुम्पिएर छोड्न चाहन्छु।।
२
कस्तो रहेछ मेरो तक्दिर यो
गडेर बस्यो मनमा पीर यो
कयौँ सपना सजाई मनमै मरे
म झुकाई बस्छु सधैँ शिर यो।।
३
छोरी घरकी अमूल्य हार हुन्
परिवारकी एक आधार हुन्
अनेकौँ दुःख सही आमा बन्ने
छोरी नै लक्ष्मीकी अवतार हुन्।।
४
कर्तव्य पथमा लम्किन धेरै सङ्घर्ष गर्नु पर्दछ
सफल भएर चम्किन धेरै सङ्घर्ष गर्नु पर्दछ
आउने बाधा र व्यवधान सँग जमेर लड्नलाई
लिएर हिम्मत हम्किन धेरै सङ्घर्ष गर्नु पर्दछ।।
